टिकटकमा पेस्तोल देखाएर भिडियो बनाउने एक व्यक्ति प्रकाउ परेका छन् । प्रहरीले टिकटक एकाउन्टमा पेस्तोल देखाएर भिडियो बनाएको आरोपमा कपिलवस्तुको शुद्धोधन गाउँपालिका-६ महादेव बस्ने २१ वर्षीय रघुबिन्द यादवलाई पक्राउ गरेको हो ।
यादवले यही वैशाख ६ गते करिब साढे ६ बजे पेस्तोल देखाएको भिडियो टिकटकमा पोष्ट गरेका थिए । इलाका प्रहरी कार्यालय पकडीको टोलीले सोही भिडियोका आधारमा उनलाई नियन्त्रणमा लिएको छ ।
