धादिङका पहलमान थापा मगर नेपाल फर्किएका छन् । साथीको हत्या अभियोगमा संयुक्त अरब इमिरेट्स यूएईमा ५ वर्ष जेल परेका नेत्रवती गाउँपालिका-४ का पहलमान आज (बुधबार) बिहान नेपाल फर्किएका हुन् ।
पहलमानले सारजाह जेलमा कैदी जीवन बिताइरहेका थिए । मध्यविन्दु नगरपालिका-११ नवलपुरका बाबुराम आलेमगरको हत्या आरोपमा पक्राउ परि पहलमानलाई सन् २०१९ को जुन ३ मा जेल चलान गरिएको थियो ।
सोही हत्या आरोपमा पहलमानसहित चिसंखुगढी-३ ओखलढुंगाका भुवन श्रेष्ठ पनि संलग्न भएको भन्दै यूएईको उपल्लो अदालतले आजीवन काराबाससँगै ब्लडमनी बुझाउनुपर्ने फैसला गरेको थियो । तर, गत बिहीबार श्रेष्ठ नेपाल फर्किए पनि पहलमान पासपोर्टको म्याद सकिएकाले आज मात्रै नेपाल फर्केका हुन् ।
