काठमाडौँ, ५ असारः राहदानी छपाइसम्बन्धी कार्यमा अनियमितता कसुरमा पक्राउ परेका राहदानी विभागका महानिर्देशक तीर्थराज अर्यालसहित चारजनालाई पाँच दिन थुनामा राख्न अदालतले अनुमति दिएको छ ।
विशेष अदालतका न्यायाधीशद्वय नारायण प्रसाद पौडेल र उमेश कोइरालाको इजलासले उनीहरूमाथि अनुसन्धानका लागि दोस्रो पटक ५ दिनको म्याद थप गरेको हो।
विशेष अदालत प्रशासन शाखाका अनुसार म्याद थप हुने प्रतिवादीहरूमा तीर्थराज अर्याल, सुनील कुमार के.सी, तुलसी प्रसाद आचार्य र मणिन्द्र मल्ल रहेका छन्।
अख्तियारले गत वर्ष भएको ई–पासपोर्ट टेन्डर अनियमितता अनुसन्धानमा राहदानी विभागका महानिर्देशक अर्यालसहितलाई पक्राउ गरेको हो ।
