खुम्बु पासाङल्हामु गाउँपालिकाको कार्यालय भवनमा रुख ढल्दा क्षति पुगेको छ ।
रुख ढल्दा खुम्बु पासाङल्हामु गाउँपालिकाको कार्यालय भवन क्षति भएको छ । हिजो (बिहीबार) कार्यालय नजिकै रहेको रुख ढल्दा वडा नम्बर ३ मा रहेको गाउँपालिका कार्यालय भवनमा क्षति भएको हो ।
रुखले गाउँपालिका कार्यालय भवनसहित अर्को एउटा घर समेत पूर्णरूपमा क्षति गरेको छ । जिल्ला प्रहरी कार्यालय सोलुखुम्बुका अनुसार रुख आफैँ मक्किएर ढल्दा भवनमा क्षति पुगेको हो।
रुखले पालिकाले भाडामा लिएर सेवा प्रवाह गर्दै आएको स्थानीय ल्हाक्पा दिकी शेर्पाको तीन तले घर र नजिकै रहेको निमा वाङ्छु शेर्पाको दुई तले घरसहित ग्लाली र शौचालयमा पूर्ण क्षति भएको हो ।
