नेकपा एमालेका सांसद भानुभक्त जोशीले बझाङको साइपाल गाउँपालिकामा अमेरिकी सेनाको क्याम्प रहेको भनेर राजनीतिक विश्लेषक भरत दाहालको दाबी झुटो रहेको बताएका छन् । मंगलबार प्रतिनिधि सभाको बैठकको शून्य समयमा बोल्दै जोशीले दाहालले भ्रमपूर्ण सन्देश फैलाएको भन्दै कारबाहीको माग गरेका छन् ।
सांसद जोशीले भने–‘आफूलाई राजनीतिक विश्लेषक भन्ने भरत दाहालले यही जेठ ६ गते भिडियो बनाएर बझाङ जिल्लाको साइपाल गाउँपालिकाको माझा भन्ने ठाउँमा अमेरिकी सेनाले सैनिक क्याम्प खडा गरेर बसेको, स्थानीय प्रशासन सिडिओलाई खबर गर्दा बेवास्ता गरेको, केही कांग्रेसका गुन्डाहरूले अमेरिकी सेनालाई राख्न सहयोग गरेको भनेर भ्रमपूर्ण समाचार सम्प्रेषण गरेको हुनाले मैले त्यहाँका स्थानीयलाई सोध्दा भ्रम पार्ने काम भएको, यहाँ भुटानी शरणार्थीको बहानामा सैनिक क्याम्प खडा गर्ने भनेर भ्रमपूर्ण समाचार प्रसारण गरेको हुनाले यसको पछाडि के लुकेको छ रु छानबिन गर्न गृह प्रशासनको माग गर्दछु ।’
