सत्तारुढ नेपाल कम्युनिष्ट पार्टी (नेकपा) को सचिवालय बैठक आज दिउँसो १ बजे बस्दैछ।सचिवालयको बैठक धुम्बाराहीस्थित पार्टी केन्द्रीय कार्यालयमा बैठक बस्नेछ।
आजको बैठमा उपनिर्वाचनको समीक्षा, पार्टी एकताको बाँकी विषयको छलफल हुने नेकपाका नेता माधवकुमार नेपालले बताए।’स्थायी समिति र केन्द्रीय कमिटी बैठक बोलाउनेबारे पनि बैठकमा छलफल हुन्छ,’ नेपालले भने।तत्कालीन नेकपा एमाले र माओवादी केन्द्रबीच एकतापछि बनेको नेकपाको लामो समयदेखि स्थायी समिति र केन्द्रीय समितिको बैठक बसेको छैन।
एकता घोषणाकै दिन ३ जेठ २०७५ मा केन्द्रीय समितिको बैठक बसेको थियो भने २९ मंसीर २०७५ मा स्थायी समिति बैठक बसेको थियो।
एपेन्डिसाइटिसको शल्यक्रियापश्चात आराम गरिरहेका प्रधानमन्त्री ओली सचिवालय बैठकमा उपस्थित नहुने बताइएको छ।
