कोटेश्वरस्थित भाटभटेनीलाई लुटपाट र तोडफोडबाट जोगाउने सुरक्षागार्डलाई सम्मान गरिएको छ । भाटभटेनीका सञ्चालक मीनबहादुर गुरुङले आज (बुधबार) सुरक्षागार्ड दुलप्रसाद पराजुलीलाई सम्मान गरेका हुन् ।
सुरक्षागार्ड पराजुलीलाई सञ्चालक मीनबहादुरले पाँच लाख एक हजार १११ रुपैयाँ नगद पुरस्कारसहित सम्मान गरेका हुन् । उनको पाँच ग्रेड बढुवा पनि गरिएको छ ।
चैत १५ गते कोटेश्वरस्थित भाटभटेनीमा लुटपाट गर्न गएका समूहलाई सुरक्षागार्ड पराजुलीसहिको टोलीले प्रतिकार गरेको थियो । सुरक्षागार्डले लाठीचार्ज गरेको भिडियो फुटेज बाहिरिएपछि उनीहरूको प्रशंसा भएको थियो ।
