नवलपुर
नारायणी नदीमा डुङ्गा डुब्दा एक जना बेपत्ता
०
ज्ञानु पंगेनी
नवलपुर, साउन ३२–
नवलपुरको मध्यविन्दु नगरपालिकास्थित नारायणी नदीमा डुङ्गा डुब्दा एक जना बेपत्ता भएका छन् ।
जिल्ला प्रहरी कार्यालय नवलपरासी पूर्वका प्रहरी नायव उपरीक्षक मोहन बहादुर खाँणका अनुसार आज (आइतबार) दिउँसो ३ बजेतिरको समयमा मध्यविन्दु नगरपालिका–३, रतनपुरस्थित नारायणी नदी पारीबाट भैँसी चराई डुङ्गांमा चढेर फर्कने क्रममा डुङगा डुब्दा सोही ठाउँ निवासी ६३ वर्षका पशुपति खनाल बेपत्ता भएका हुन् ।
उनीसंगै गएका अन्य ३ जना भने सकुशल रहेको खाँणले बताएका छन् । उनीहरु पौडिएर नदी तरेको प्रहरीले जनाएको छ ।
बेपत्ता खनालको स्थानीय र प्रहरी टोलीले खोजी जारी राखेको र घटना बारे थप अनुसन्धान भैरहेको प्रहरीले जनाएको छ ।
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
छुटाउनु भयो कि?
>