पूर्वी नवलपरासीको गैंडाकोट नगरपालिकाका एक युवकमा आज (बिहीबार) कोरोना संक्रमण पुष्टि भएको छ ।
क्षयरोग उपचार केन्द्र पोखरा प्रयोगशालामा गरिएको परीक्षणमा गैंडाकोट नगरपालिका–२ का २५ वर्षीय युवकमा कोरोना संक्रमण पुष्टि भएको गण्डकी प्रदेश स्वास्थ्य निर्देशनालयका निर्देशक डा.विनोद विन्दु शर्माले जानकारी दिए ।
गैंडाकोटका युवकसंगै कास्की, लमजुङ र पर्वतका पनि एक/एक जनामा कोरोना संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या एक हजार ६६० पुगेको छ ।
