भीमदत्त नगरपालिकामा निजीस्रोतका अर्थात संस्थागत विद्यालयहरुको संख्या ७० रहेको छ । ती अधिकांश संस्थागत विद्यालयहरु भौतिक संरचनामा समेत कमजोर छन् ।
नयाँ शैक्षिक सत्रको सुरुवात संगै कञ्चनपुरमा शैक्षिक माफियाको बिगबिगी बढेको छ । कञ्चनपुरमा संस्थागत विद्यालयहरुको संख्या झण्डै एक हजारको हाराहारीमा छ । सामुदायिक विद्यालय भन्दा निजी स्रोतका अर्थात संस्थागत विद्यालयले अभिवावकको ढाडसेक्ने गरि शुल्क बृद्धि गरेको कुरा एकातिर छ, भने अर्कोतिर विद्यार्थीहरुको भविस्य माथि प्रत्यक्ष रुपमा खेलवाड गरिरहेका छन् । अनुमति बिनानै माथिल्लो कक्षा सञ्चालन गरेर विद्यार्थीको भविस्यमाथि खेलवाड गरिरहेको तथ्यांकहरु भेटिन थालेका हुन् ।
भीमदत्त नगरपालिकामा निजीस्रोतका अर्थात संस्थागत विद्यालयहरुको संख्या ७० रहेको छ । ती अधिकांश संस्थागत विद्यालयहरु भौतिक संरचनामा समेत कमजोर छन् । गर्मीको मौसममा स्टीलको छाना मुनि उष्ण वाष्प र चिसोको मौसममा विद्यार्थी ठडींले कठिग्रीने समस्या महेन्द्रनगर आसपासकै क्षेत्रका विद्यालयमा समेत रहेको छ ।
भीमदत्त नगरपालिका र तत्कालिन जिल्ला शिक्षा कार्यालयको लापरबाहीले गर्दा कयौं विद्यार्थीको भविस्य अन्यौलमा पर्ने खतरा बढेको छ । सहि समयमा निजी तथा सामुदायीक विद्यालयमा अनुगमन तथा नियमन नगर्दा विद्यालयहरुले मनपरि गर्नथालेको पाइन्छ ।
