चितवनको इच्छाकामना गाउँपालिकाका चेपाङ समुदाय तथा विपन्न परिवारलाई निःशुल्क हाते ट्याक्टर वितरण गरिएको छ ।
ललितपुर महानगरपालिका–१५ का चन्द्रशेखर सापकोटाले व्यक्तिगत लगानीमा इच्छाकामनाका चेपाङ तथा विपन्न परिवारलाई हाते ट्याक्टर वितरण गरेका हुन् । पहाडी भू–भागमा प्रशसस्तै कृषिको संभावना भएकाले स्थानीय विपन्न परिवारलाई कृषि उत्पादन बढाउन व्यक्तिगत रुपमा हाते ट्याक्टर सहयोग गरिएको सापकोटाले बताए । उनका अनुसार इच्छाकामनाका सबै वडालाई कम्तीमा एउटा पुग्ने गरि हालसम्म १२ वटा हाते ट्याक्टर वितरण गरिएको छ ।
वितरण गरिएको हाते ट्याक्टरको एउटाको मूल्य ५० हजार रुपैयाँ पर्छ । आफू कृषि क्षेत्रकै अनुसन्धानमा खटिएकाले सेवा भावको रुपमा चेपाङ परिवारलाई हाते ट्याक्टर सहयोग गरिएको सापकोटाले बताए ।
