खाडी क्षेत्रमा भएका देशहरू बहराइन, आबुधाबी र कतारमा अमेरिकी सैन्य आधार नजिकै धेरै विस्फोट भएका छन् ।
बहराइनको गृह मन्त्रालयले आफ्ना नागरिकलाई तत्काल नजिकको सुरक्षित स्थानमा सार्न चेतावनी दिएको छ । बहराइनमा रहेको अमेरिकी बेसमा इरानले क्षेप्यास्त्र आक्रमण गरेको इरानको अर्ध–सरकारी फोर्स समाचार एजेन्सीले समाचारमा भनेको छ ।
बहराइन फारसी खाडीमा अमेरिकाको एक प्रमुख सहयोगी हो र मनामामा अमेरिकी नौसेनाको पाँचौं फ्लीट मुख्यालयको स्थायी आयोजक हो ।
यसैबिच कतारले आफ्नै क्षेत्रमा दुईवटा इरानी मिसाइल रोकिएको जनाएको छ, जसले इरानले अमेरिकी आक्रमणको जवाफमा प्रतिकार गर्दै छ भन्ने संकेत दिन्छ ।
स्थानीय अधिकारीहरूले उक्त घटनाले गल्फ क्षेत्रमा तनाव थपिएको र क्षेत्रीय सुरक्षा अवस्थाबारे चासो बढाएको बताएका छन् । न्युज एजेन्सी नेपाल
