अमेरिकाका राष्ट्रपति डोनाल्ड ट्रम्पले अप्रिल २०२६ मा चीनको भ्रमण गर्ने बताएका छन्। त्यसपछि चिनियाँ राष्ट्रपति सी जिनपिङले पनि अमेरिकाको भ्रमण गर्ने छन्। ट्रम्पले एयर फोर्स वानमा पत्रकारहरूलाई यसबारे बताएका हुन्। म अप्रिलमा चीनमा हुनेछु र त्यसपछि सी जिनपिङ यहाँ हुने छन्। यो बैठक जहाँ पनि हुन सक्छ, चाहे फ्लोरिडा, पाम बीच, वा वाशिंगटन, डीसीमा,उनले भने।
यसअघि ट्रम्पले चिनियाँ राष्ट्रपति सी जिनपिङसँगको आफ्नो भेटको प्रशंसा गरेका थिए। उनले दुई नेताहरू धेरै महत्त्वपूर्ण मुद्दाहरूमा सहमतिमा पुगेको र सी जिनपिङलाई एक महान नेताु भने। ट्रम्पले भने, यदि यो बैठकलाई ० देखि १० को स्केलमा मूल्याङ्कन गरियो भने, जसमा १० उत्कृष्ट हुन्छ, म यसलाई १२ दिनेछु। उनले थपे कि दुई देशहरू बीचको सम्बन्ध धेरै महत्त्वपूर्ण छ।
