जनकपुरमा ज्वाइँले ससुराको हत्या गरेका छन् । जनकपुरधाम उपमहानगरपालिका-१५ कुवारामपुर बस्ने ६५ वर्षीय बासुदेवप्रसाद विमलको चक्कु प्रहार गरी ज्वाइँले हत्या गरेका हुन् ।
आज बिहान पौने १० बजे घरमै चक्कु प्रहार गरेर विमलको उनकै ज्वाइँ जनकपुरधाम-२१ कुर्थाका ४८ वर्षीय बेचन महासेठले हत्या गरेको प्रहरीले जानकारी दियो । ज्वाँइले पेटमा चक्कु प्रहार गरेपछि उनी गम्भीर घाइते भएका थिए । उनलाई उपचारको लागि प्रादेशिक अस्पताल जनकपुरमा पुर्याइएक पनि साढे १० बजे चिकित्सकले मृत घोषणा गरेका थिए ।
जिल्ला प्रहरी कार्यालय धनुषा प्रहरीका प्रवक्ता डीएसपी बरुणबहादुर सिंहका अनुसार जग्गासम्बन्धी घरायसी विवादको कारण बेचनले ससुरालाई घरमै चक्कु प्रहार गरेका हुन् ।
घटनापश्चात चक्कु प्रहार गर्ने ज्वाइँ बेचन फरार छन् ।
