नेकपा एमालेनिकट अनेरास्ववियुले पाल्पाको त्रिभुवन बहुमुखी क्याम्पस स्वतन्त्र विद्यार्थी युनियनको निर्वाचनमा अनुजा अर्याललाई सभापति उम्मेदवार बनाएको छ । चैत ५ गते हुने स्ववियु निर्वाचनमा अनेरास्ववियुले बिएस्सी अध्ययनरत सामाजिक अभियन्ता समेत रहेकी अर्याललाई सभापतिमा अघि सारेको हो ।
अनेरास्ववियुको क्याम्पस कमिटीले उनलाई सर्वसम्मत उम्मेदवार बनाएको र प्यानल समेत घोषणा गरिने संगठनले जनाएको छ । यसअघि अनेरास्ववियुले अधिकांश ठूला क्याम्पसमा उम्मेदवार तय गरिसकेको छ ।
