चितवन, पुस १७
रोटरी क्लवअफ गैँडाकोटले पूर्वी नवलपरासीको गैँडाकोटमा निकट भविष्यमै सञ्चालनमा आउन लागेको आधारभूत अस्पतालका लागि पाँच थान बेड सहयोग गरेको छ । गैँडाकोट नगरपालिका वडा नं. ५ मा अवस्थित गैँडाकोट स्वास्थ्य चौकिमा मंगलबार विहान आयोजित एक कार्यक्रममा रोटरी क्लवअफ गैँडाकोटले माघको दोस्रो सातादेखि सञ्चालनको तयारीमा रहेको गैँडाकोट आधारभूत अस्पताललाई पाँचवटा बेड सहयोग गरेको हो ।
क्लवका अध्यक्ष रमेश काफ्लेको अध्यक्षता तथा गैँडाकोट नगरपालिकाका मेयर मदनभक्त अधिकारीको प्रमुख आतिथ्यतामा भएको कार्यक्रममा रोटरी इन्टरनेशल नेपालका एसीस्टेन्ट गर्भनर अशोक कुमार बस्नेत विशिष्ट अतिथि रहनु भएको थियो ।
कार्यक्रमा बोल्दै गैँडाकोट नगरपालिकाका मेयर मदनभक्त अधिकरीले सामाजिक उत्तरदायित्व अन्तगर्त रोटरीक्लवले गरेको सहयोगको प्रशंसा गर्नुभयो । उहाँले अस्पताल जस्तो क्षेत्रमा रोटरीले सहयोग गरेको भन्दै धन्यवाद दिनुभभयो । क्लवका अध्यक्ष रमेश काफ्ले रोटरीयनहरुको व्यक्तिगत सहयोगमा आधारभूत अस्पतालका लागि बेड सहयोग गरिएको बताउनुभयो । रोटरी क्लवअफ गैँडाकोटका सचिव गोविन्द कंडेल सञ्चालन गर्नुभएको कार्यक्रममा क्लवका पूर्वअध्यक्ष तथा भरतपुर अस्पतालका वरिष्ठ चिकित्सक डा. प्रमोद पौडेलले स्वागत मन्तव्य राख्नुभएको थियो ।
