भाग्यमानी भए एकैछिनमा गरिबबाट राजा बन्न सकिन्छ। सात वर्षको बालकसँग पनि यस्तै भएको छ ।
दैनिकजस्तै उनी बिहानै पार्कमा घुम्न गए । तर उनले यस्तो कुरा फेला पारे, एकैछिनमै उसको परिवार मालामाल भयो । बच्चाको यो खोज सामाजिक सञ्जालमा भाइरल भइरहेको छ ।
डेली मेलको रिपोर्टका अनुसार क्वीन्सल्याण्डका निवासी रिले बेटरिज आफ्नो घरबाट २०० मिटर टाढा रहेको पार्कमा खेल्न गएका थिए । त्यसपछि उनले एउटा चम्किलो ढुङ्गा भेट्टाए।
उनले सोचे कि त्यो मोती हुन सक्छ। उनले त्यसलाई घर ल्याए। पछि यो १४.५ क्यारेटको नीलमणि भएको खुलासा भयो । बजारमा यसको मूल्य १० हजार डलर छ ।
टिकटकमा भाइरल भइरहेको भिडियोमा रिले आफ्नो बुबा म्याटलाई दुर्लभ ढुङ्गा देखाउन उत्साहित भई दौडिरहेका छन्। यो भिडियो टिकटकमा करिब २ लाख पटक हेरिएको छ ।
म्याट र एम्बर बेटरिजको क्वीन्सल्याण्डमा व्यापार छ। म्याटले भने, ‘मेरो छोराले ३ वर्षको उमेरदेखि नै नीलमणिको खोजी गरिरहेको छ । यसअघि पनि उसले नीलमणि भेटेको थियो । तर यो उसले अहिलेसम्म फेला पारेको सबैभन्दा बहुमूल्य पत्थर हो।’
केही हप्ताअघि उनकी पत्नीले २ हजार डलर बराबरको नीलमणि फेला पारेकी थिइन् । धेरैले बच्चालाई बधाई दिइरहेका छन्। एकजनाले ठट्टा गरे कि उनले पक्कै पनि एक दिन विद्यालय बिदा पाउँछन्।
बेटरिजले आफ्नो भूमिगत खानीमा नीलमणि खोजी गर्छन्, केवल पिक र बेल्चा प्रयोग गरेर। दुई वर्ष पहिले, जब उनी साँझको पैदल यात्रामा थिए, उनले फोहोरमा ८३४ क्यारेटको नीलमणि भेट्टाए, जसको अनुमानित मूल्य १२ हजार ५ सय डलर थियो। एजेन्सी
