बागलुङमा भएको बस दुर्घटनामा रुकुमका पत्रकारको निधन भएको छ।
रुकुम पश्चिमबाट मध्यपहाडी लोकमार्ग हुँदै काठमाडौं जाँदै गरेको बागमती प्रदेश ०१–००६ ख ३८७९ नम्बरको बस निसीखोला गाउँपालिकामा दुर्घटना हुँदा अन्नपूर्ण पोष्टमा कार्यरत पत्रकार विक्रम परियारको निधन भएको हो ।
परियार नेपाल पत्रकार महासंघ जिल्ला शाखा रुकुम पूर्वका सहसचिव र प्रेस सेन्टरको उपाध्यक्षसमेत थिए। उनी राष्ट्रिय दलित पत्रकार संघको राष्ट्रिय महाधिवेशनमा सहभागी हुन काठमाडौं जाँदै गर्दा दुर्घटनामा परेका हुन् ।
