नारायणी नदी किनारमा मंसिर ६ गतेदेखि सुरु भएको चितवन नारायणी महोत्सव आज सम्पन्न हुँदै छ । महोत्सवको अन्तिम दिन आज रचना रिमाल लगायतका चर्चित कलाकारहरुले प्रस्तुती दिने आयोजकले जानकारी दिएको छ ।
महोत्सवमा आज रिमाल लगायत टिका प्रसाई, कमल के क्षेत्री र राजन चौलागाई (खैराते)को विशेष प्रस्तुती रहने छ । उद्घोषकमा रामकान्त पौडेल रहनेछन् । ११ दिनसम्म चलेको महोत्सवमा राष्ट्रिय तथा स्थानीय चर्चित कलाकारहरुले प्रस्तुती दिँदै आएका छन् ।
लागुऔषध विरुद्धको अभियानका लागि रिकभरिङ युनाईटेड प्रालि र औद्योगिक शान्ति नेपालले महोत्सव आयोजना गरेका हुन् । हिजो (शुक्रबार)सम्म एक लाख जनाले महोत्वसव अलोकन गरेको रिकभरिङ युनाईटेड प्रालिका अध्यक्ष रविन श्रेष्ठले जानकारी दिए ।
महोत्सवमा २८० वटा स्टलहरु रहेका छन् । श्रेष्ठका अनुसार महोत्सव अवलोकनका लागि विद्यार्थीलाई ५० रुपैयाँ र अन्यलाई ७० रुपैयाँको टिकटको व्यवस्था गरिएको छ ।
