चितवन, असोज २५-
चितवन राष्ट्रिय निकुञ्जभित्र तिब्र गतिका कारण अनियन्त्रित भएको यात्रुबहाक बस दुर्घटना हुनबाट जोगिएको छ । आज(बिहिबार) दिउँसो भरतपुरबाट माडी जाँदै गरेको ना ५ ख १०९२ नम्बरको यात्रुबाहक बस बन्कट्टा पोष्टको नजिक तिब्र गतिका कारण अनियन्त्रित भएको थियो । ओभर स्पिडका कारण बसको अगाडिको भाग सडकभन्दा बाहिर गएको थियो । दुर्घटनाबाट बसमा सामान्य क्षती पुगेपनि यात्रुहरु सबै सकुसल रहेको प्रहरीले जानकारी दिएको छ ।
