गण्डकी प्रदेशका सांसदले प्रदेश सभा रहेको कुर्चीका फर्महरू पुराना भएको गुनासो गरेका छन् । सांसद विकल शेरचनले प्रदेश सभाको बैठकको शून्य समयमा बोल्दै सांसद बस्ने कुर्चीका फर्महरू पुराना भएको गुनासो गरेका हुन् ।
‘हामी माननीयहरू यस सभामा आएर बस्दा खेरि ठाउँको संकुचन त छदै छ । हाम्रा कुर्चीहरूको पनि फर्महरू अत्यन्तै पुराना भएका कहिले यता, कहिले उता बसिराख्दा खेरि अब आउने आर्थिक वर्षमा चाहिँ यो फर्महरू परिवर्तन गरिदिनुहुन म ध्यानाकर्षण गराउँदछु,’ सांसद शेरचनले भने ।
