स्याङ्जाको चापाकोट नगरपालिकाका पूर्वमेयर शिवकुमार गिरीका परिवारले चालकविरूद्ध जाहेरी दिएका छन्।
गिरीको दुर्घटनामा परी मृत्यु भएको नभई उनको हत्या भएको र त्यसमा गाडीका चालकको संलग्नता रहेको भन्दै परिवारले चालक सुरज नेपालीविरूद्ध जाहेरी दिएका हुन् ।
आइतबार दिवंगत गिरीका भाई बलरामले जिल्ला प्रहरी कार्यालय स्याङ्जा पुगेर गाडीचालक नेपालीविरूद्ध जाहेरी दर्ता गरेको जानकारी दिए। पूर्वमेयर गिरीको यही असार २ गते गाडी दुर्घटनामा मृत्यु भएको थियो।
