समाचार
पानी पार्न भ्यागुतोको विवाह
०
सिन्धुली, जेठ २३–
लामो समयसम्म खडेरी परेपछि दुधौली नगरपालिका–४ डकाहामा पानी पार्न भ्यागुताको विवाह गरिएको छ । खडेरीले अन्नबाली सुक्न थालेपछि स्थानीयले भ्यागुतोको विवाह गरिदिएका हुन् ।
भ्यागुतको विवाह गरेमा पानी पर्छ भन्ने जनविश्वास रहेको छ । ब्राह्मणहरूले वैदिकमन्त्र पाठ गरी रुद्रीपूजा गरी एक जोडी भ्यागुताको धुमधामसँग विवाह गरिदिएका हुन् ।
लामो समयसम्म पानी नपरेका कारण रुद्रीपूजा आयोजना गरी भ्यागुतोको विवाह गरिदिएको स्थानीय थानेश्वर काफ्लेले बताए ।
स्थानीयमा वैदिक मन्त्र पढी भ्यागुतोको जोडीको विवाह गरिदिएमा पानी पर्ने जनविश्वास रहेकाले करिब तीन–चार घन्टासम्म होमहोमादी गरी भ्यागुतोको जोडीको विवाह गरेको उनको भनाइ छ ।
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
ताजा समाचार
छुटाउनु भयो कि?
>