ऐतिहासिक पुरातात्विक महत्व बोकेको पाटनको पुराना बस्तीहरु टेकोमा अडिएका छन् ।
२०७२ सालको भुकम्पपछि देशभर पुननिर्माणको लहर आयो । बस्ती बस्तीमा नयाँ नयाँ घर बने । तर ललितपुरको पाटन बस्ती भने भुकम्प गएको छ बर्ष पुग्दा समेत अझैं टेकोमा अडिएको हो ।
ऐतिहासिक पुरातात्विक महत्व बोकेको पाटनको पुराना बस्तीहरु:
मंगलबजार,बंगलामुखी,गावाहाल,नटोल,पाटनढोकाका टोलमा घरमा लगाइएको टेकोहरु आझै हट्न सकेको छैन । कतिपय ठाँउमा लगाइएको टेको पुरानो भएको र भाँचिएको समेत देख्न सकिन्छ ।
सरकारले भुकम्प पछिको पुननिर्माणको लागि गठन भएको राष्ट्रिय पुननिर्माण प्राधिकरण आफ्नो समयावधी सकिएर खारेज भइसक्यो । यसरी लगाइएका टेकाहरु किन हट्न सकेन, टेका लगाइएका घरहरुको पुननिर्माण किन भएन ? खोजिनुपर्ने विषय छ ।
