नेपालमा थप ३३७ जनालाई कोरोना भाइरसको संक्रमण पुष्टि भएको छ ।
शनिबार स्वास्थ्य तथा जनसंख्या मन्त्रालयले दिएको जानकारीअनुसार पछिल्लो २४ घण्टामा ३५३२ मा पीसीआर गर्दा ३३७ लाई कोरोना संक्रमण पुष्टि भएको हो । यो सहित नेपालमा कोरोना संक्रमितको संख्या दुई लाख ७९ हजार ७२५ पुगेको छ ।
पछिल्लो २४ घन्टामा १५१ जना निको भएर फर्किएका छन्। योसहित कोरोनाबाट निको हुनेको संख्या दुई लाख ७३ हजार ८८६ पुगेको छ । हालसम्म कोरोनाबाट मृत्यु हुनेको संख्या ३०३९ पुगेको छ ।
