माडीको सोमेश्वर सामुदायिक वनभित्र जंगली निलगाईको आक्रमणबाट माडी नगरपालिका–६ स्याउलीबास निवासी एक जनाको ज्यान गएको छ ।
बिहान ५ जनाको समूहमा कुचो काट्न वनको भित्री भागमा पुगेका अन्दाजी ५० वर्षका वीरबहादुर तामाङको निधन भएको उनको परिवारिक स्रोतले जनाएको हो । निलगाईले आक्रमणबाट उनको शरीरमा गम्भीर चोट लागेसँगै कुचो काट्न पुगेका आफन्तहरुले जनाएका हुन् । माडी प्रहरीका जवान हरिबहादुर ओझाले प्रहरी टोली घटनास्थलतर्फ गइरहेको नारायणी अनलाइनलाई जानकारी दिए । उनले भने, ‘सडकबाट झण्डै एक घण्टा हिडेर जंगलतिर जानुपर्ने भएकोले प्रहरी टोली फर्किएपछि मात्र वृहत् जानकारी प्राप्त हुन्छ ।’
