चितवनमा आज (सोमबार) राति थप एक जना कोरोना भाइरस (कोभिड–१९) संक्रमितको मृत्यु भएको छ ।
चितवन मेडिकल कलेज भरतपुरमा उपचाररत भरतपुर महानगरपालिका–१० का ७८ वर्षीय पुरुषको राति ८ः१० बजेको समयमा मृत्यु भएको अस्पतालका संचार संयोजक डा.किशोर अधिकारीले नारायणी अनलाइनलाई जानकारी दिए ।
यही असोज २३ गते कोरोना पुष्टि भएका ती पुरुष २४ गते अस्पताल भर्ना भएका थिए । कोभिड आइसीयूमा उपचाररत उनको राति मृत्यु भएको हो । योसंगै कोरोना संक्रमणबाट मृत्यु हुनेमा चितवनका ३६ जना पुगेको छ ।
