चितवन निवासी अष्ट्रेलियाका लागि नेपालका आवासीय राजदूत महेशराज दाहाललाई नयाँ जिम्मेवारी थपिएको छ ।
राजदूत दाहाललाई फिजीका लागि समेत गैरआवासीय नेपाली राजदूतमा नियुक्त गरिएको छ । राष्ट्रपति विद्यादेवी भण्डारीले नेपालको संविधानको धारा २८२ को उपधारा (१) बमोजिम दाहाललाई फिजीका लागि समेत गैरआवासीय नेपाली राजदूतमा नियुक्त गरेकी हुन् ।
राष्ट्रपतिको कार्यालयका प्रवक्ता हरिप्रसाद दहालद्वारा आज जारी विज्ञप्तिमा सो कुरा उल्लेख छ ।
