त्रिशुली नदीमा ट्रक खस्दा बेपत्ता भएका सह–चालक मृत भेटिएका छन् ।
सह–चालक दाङको घोराही बस्ने अन्दाजी २५ वर्षीय अनिल गुरुङको त्रिशुली नदी किनारमा दुर्घटना नजिकै शव भेटिएको जिल्ला प्रहरी कार्यालय चितवनका प्रहरी नायव उपरीक्षक एकनारायण काइरालाले जानकारी दिए ।
आज विहान २ः५५ बजेको समयमा इच्छाकामना गाउँपालिका–५ स्थित मुग्लिन बजार नजिकै माथिबाट खसेको ठूलो ढुंगा लागेर ट्रक त्रिशुली नदीमा खसेको थियो । दुर्घटनामा ट्रकका चालक ललितपुर बस्ने वर्ष ४६ का माधव थापा मगर घाईते भएका छन् । उनको पुरानो मेडिकल कलेज भरतपुरमा उपचार भइरहेको छ । दाना लोड गरेर भैरहवाबाट काठमाडौंतर्फ जाँदै गरेको ना ४ ख १७९६ नम्बरको ट्रक ८० मिटर तल त्रिशुली नदीमा खसेको हो ।
