नवलपुरका चार वटा नगरपालिकाका महिला स्वास्थ्य स्वयम् सेविकाहरुको भेला देवचुली नगरपालिकाको दलदलेमा सम्पन्न भएको छ ।
विकू बचत तथा ऋण सहकारीले वृहत महिला स्वास्थ्य स्वयम् सेविका भेलाको आयोजना गरेको हो । भेलामा करिब २०० महिला स्वास्थ्य स्वयम् सेविकाको उपस्थिति रहेको थियो । भेलाले ९ बुँदे साझा प्रतिबद्धता समेत जारी गरेको छ । साझा प्रतिबद्धतामा बालमैत्री नगर विकास गर्न मिलेर काम गर्ने, गर्भदेखि मृत्युसम्म सबै सुखी, खुसी र स्वस्थ मानवका लागि अभियान चलाउने उल्लेख छ । सुरक्षित मातृत्व एवम् पोषणको अवस्था सुधार गर्नका लागि निरन्तर लाग्ने प्रतिबद्धता व्यक्त गरेका छन् ।
