चितवन विशेष

चितवनमा सडक माथिबाट खसेको ढुङ्गाले लागेर मोटरसाइकल चालकको मृत्यु

०
Banner

चितवन, मंसिर १-

पृथ्वी राजमार्गअन्तर्गत चितवनको इच्छाकामना गाउँपालिका–४ घोप्टेभीरमा सडक माथिबाट खसेको ढुङ्गाले लागेर मोटरसाइकल चालकको मृत्यु भएको छ ।

मंगलबार (आज) दिउँसो करिब ३ः२२ बजे काठमाडौँबाट मुग्लिङतर्फ आउँदै गरेको बा ८५ प ६०१ नम्बरको मोटरसाइकलमाथि एक्कासि सडक माथिबाट ढुङ्गा खसेको थियो ।

ढुङ्गाले लाग्दा मोटरसाइकल चालक ललितपुर महानगरपालिका–२० निवासी ६१ वर्षीय गंगाराम महर्जन गम्भीर घाइते भएका थिए । उनलाई उपचारका लागि भरतपुर सरकारी अस्पताल पठाइएकोमा चिकित्सकले दिउँसो ४ः४९ बजे मृत घोषणा गरेका थिए । घटनाबारे थप अनुसन्धान भइरहेको प्रहरीले जनाएको छ ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>