पूर्व–पश्चिम राजमार्गअन्तर्गत नवलपरासी (नवलपुर) (बर्दघाट सुस्ता पूर्व) को लोकाहा खोलास्थित पुरानो ट्रस पुल मर्मत भइरहेको छ ।
पुलको स्ल्याबमा समस्या देखिएपछि मर्मत कार्य भइरहेको सडक डिभिजन कार्यालय भरतपुरले जनाएको छ । मर्मत कार्य जारी रहेकाले पुरानो पुलबाट सवारी आवागमन बन्द गरिएको छ । अहिले सवारीसाधनहरू नयाँ पुल हुँदै आवतजावत गरिरहेका छन् ।
सडक डिभिजन कार्यालय भरतपुरका अनुसार पुरानो पुलको मर्मत सम्पन्न गरी पुनः सञ्चालनमा आउन करिब दुई साता लाग्ने अनुमान गरिएको छ ।
