नेपाल नेत्रज्योति सङ्घ चितवनद्वारा सञ्चालित भरतपुर आँखा अस्पतालमा आज (शनिबार) १०१ जना पत्रकारको आँखा परीक्षण गरिएको छ । नेपाल पत्रकार महासङ्घ चितवन शाखाले आयोजना गरेको निःशुल्क आँखा शिविरमा उनीहरूको आँखा परीक्षण गरिएको हो ।
शिविरमा आवश्यक चश्मा र औषधिसमेत निःशुल्क वितरण गरिएको थियो । महासङ्घका जिल्ला अध्यक्ष वसन्तराज पराजुलीका अनुसार शाखाका सदस्य र अन्य क्रियाशील पत्रकारहरूको आँखाको परीक्षण गरिएको छ । विगत वर्षमा झै यस वर्ष पनि भरतपुर आँखा अस्पतालसँग सहकार्य गरेर शिविर गरिएको उहाँले बताउनुभयो ।
शिविरमा शल्यक्रिया गर्नुपर्ने देखिएका तीन जना पत्रकारको अस्पतालले सहुलियत दररेटमा समय अनुकूल मिलाएर गर्ने अस्पतालका सूचना अधिकारी रमेश घिमिरेले जानकारी दिनुभयो ।
