चितवन, साउन ५–

चितवनको रत्ननगर–१ निपनीमा रहेको जिएसटी कलेजले कक्षा १२ उत्तीर्ण विद्यार्थी लक्षित दोस्रो संस्करणको ‘लन्च प्याड’ कार्यक्रम आयोजना गरेको छ ।

यही साउन १० गते निपनीमा रहेको होटल स्टार चितवनमा ‘From Brain Drain to Brain Gain: The Rise of Gen-Z in Nepal’ विषय केन्द्रीत कार्यक्रम आयोजना गरेको हो । कक्षा १२ उत्तीर्ण विद्यार्थीहरुलाई उत्सव मनाउने उद्देश्य अनुरुप यो कार्यक्रम आयोजना गरिएको कलेजका प्रिन्सिपलले जानकारी दिए ।

यो कार्यक्रम विद्यार्थीहरुका लागि प्रेरणा, करियर मार्गदर्शन तथा नयाँ संभावनाहरुको उत्कृष्ट अवसर बन्ने कलेजका प्रवन्ध निर्देशक दिवस मैनाली बताउँछन् । बीबीए अध्यापन गराउँदै आइरहेको यस कलेजमा साउन १७ गते प्रवेश परीक्षा तोकिएको छ । यसै कार्यक्रमबाट पनि विद्यार्थीहरुले तत्कालै भर्ना गर्न सक्ने व्यवस्था मिलाईएको मैनालीले बताए ।

विहान ११ बजेदेखि सुरु हुने कार्यक्रममा अन्तरक्रियान्तमक बहस, छलफलसंगै मनोरञ्जनात्मक सांस्कृतिक कार्यक्रमहरु समेत हुनेछन् । पछिल्लो समय नेपालमै विद्यार्थीहरुको भविष्य उज्जवल रहेको सन्देश दिन पनि यो कार्यक्रम गरिएको कलेजका अध्यक्ष हरिशरण पाठकलले बताए । उनले नेपालमै पढौं भन्ने उद्देश्य राखेर कलेजले काम गरिरहेको भन्दै व्यवहारिक सिकाई, उद्योगसंगको सहकार्य, इन्टर्नसिप, नेतृत्व विकास तथा उद्यमशीलता अभिवृद्धिलाई विशेष प्राथमिकता दिइएको बताए ।