वि.सं.२०८३ साल जेठ ११ गते सोमबार, यस्तो छ ज्योतिषी भुपेन्द्र राज घिमिरेले तयार पार्नुभएको राशिफलः
मेषः
राजनैतिक कार्यमा सफलता मिल्नेछ । वैदेशिक कार्य अघि बढ्नेछ । आयआर्जन बढ्ने र उठ्नुपर्ने रकम हातलागी हुने समय छ । पहिले गरेका कामबाट प्रशस्त लाभ हुनेछ । पढाई लेखाईमा पनि प्रगति हुनेछ ।
वृषः
अधिकार प्राप्तिका लागि संघर्श गर्नु पर्ला । आम्दानीका नयाँ स्रोत फेला पर्नेछन् । आफन्तजनसँग सम्बन्धमा सुधार आउनेछ । दिनको उत्तरार्ध सुखद देखिन्छ । सकारात्मक सोचमा रही आफूलाई प्रस्तुत गरिनु राम्रो पक्ष हुनेछ ।
मिथुनः
आज केही अवसर जुटेपनि परिस्थिति अलि संघर्षमय रहने योग छ । सोचेको काम समयमा नबन्नाले दुःख पाइनेछ । मध्यान्नबाट वन्न लागेको काम अकस्मात रोकिएला । वेलुकी पख खटपटको सम्भावना छ ।
कर्कटः
आज बोलीको प्रभावले राम्रो काम बन्नेछ । जोशजाँगर र हिम्मत बढ्नेछ । आम्दानी बढाउने काम सुरु गर्न सकिनेछ । कीर्तिमानी काम गर्दै धेरैलाई प्रभावित बनाउन सकिनेछ । दाम्पत्य जीवन सुखमय बन्नेछ ।
सिंहः
आज रमाइलो तरिकाले कामहरू गर्न पाइने दिन छ । आर्थिक लाभ हुनेछ । शुभचिन्तकहरूको भावना बुझेर अघि बढ्नुहोला । गुरुजनको सहयोग र बुद्धिको उपयोगले लक्ष्य पहिल्याउन सकिने छ । मिठो भोजनको अवसर जुट्नेछ ।
कन्याः
परिस्थिति सबल नदेखिए पनि मिहिनेतले लक्ष्यमा पुर्याउनेछ । व्यापार व्यवसायमा उन्नति प्रगति हुनेछ । आकस्मिक निम्तोमा सहभागी हुने सम्भावना देखिन्छ । स्वादिष्ट भोजन ग्रहण गर्ने अवसर जुर्नेछ ।
तुलाः
आफ्नो क्षेत्रमा प्रभुत्व जमाउन सकिनेछ । दिनको उत्तरार्ध वादविवादको सम्भावना देखिन्छ । आफन्त भनेका व्यक्तिबाट तपाईंलाई बदनाम गराउने काम हुनसक्ने जोखिम छ । आज शिक्षा क्षेत्रमा गरिएको मिहिनेत र गहिरो अध्ययनले निर्णायक भूमिका निर्वाह गर्नेछ ।
बृश्चिकः
अभिष्ट कार्य सिद्धि हुनेछ । जागिर तथा नोकरीमा पदोन्नतिको सम्भावना देखिन्छ । । बौद्धिक र रचनात्मक काममा विशेष सफलता मिल्नेछ । ब्यापार–ब्यवसायमा राम्रै आम्दानी होला । सकारात्मक एवं व्यवहारिक सोचको विकास हुनेछ ।
धनुः
महत्वपूर्ण कार्यमा व्यवस्थापन आइपर्ला । गुम्न लागेको धन हाता लाग्ने दिन छ । आर्थिक पक्ष सदृढ हुंंदै जानेछ । शेयर बजारमा लगानीको अवसर आएको छ । वैदेशिक क्षेत्रमा गरिएको लगानी लाभदायक हुनेछ ।
मकरः
काममा केहि चुनौति देखा पर्नसक्नेछ । दिनको उत्तारार्ध भने सुधारोन्मुख देखिन्छ । धार्मिक, सामाजिक वा सांस्कृतिक काममा खट्नुपर्ने समय छ । केही बाध्यात्मक परिस्थितिसँग सम्झौता गर्नुपर्ने योग रहेको छ ।
कुम्भः
धनसम्पत्तीको लाभ हुने दिन छ । जीवन साथीलाई केहि पिडा हुने देखिन्छ । आफ्नै कमजोरीले महत्वपूर्ण कार्यमा ढिलासुस्ती हुने देखिन्छ । सानो कुराले झन्झट बढे पनि मिहिनेतलाई निरन्तरता दिनुपर्नेछ । गोपनीयतामा विशेष ध्यान दिनुपर्ने देखिन्छ ।
मीनः
द्धेष तथा ईष्र्या गर्नेहरुले हार खानेछन् । भाग्यले विभिन्न अवसर जुराउनेछ । सहयोगीहरूले साथ दिनेछन् र काममा सोचेजस्तै सफलता मिल्नेछ । वैदेशिक क्षेत्रको काम अघि बढ्नेछ । दाम्पत्य सम्बन्ध सुमधुर बन्नेछ ।
