फिलिपिन्समा शक्तिशाली आँधीबाट दुई सय ५० जनाको मृत्यु भएको छ । गत साता लगातार आएका दुई शक्तिशाली आँधीबाट लाखौं मानिसहरू विस्थापित भएको अधिकारीहरूले बताएका छन्।
फिलिपिन्सको राष्ट्रिय विपद् जोखिम न्यूनीकरण तथा व्यवस्थापन परिषद्ले नोभेम्बर ४ मा आएको कालमेगी आँधीले मध्य फिलिपिन्समा ठूलो बाढी र पहिरो निम्त्याएको जनाएको छ। जसमा दुई सय ३२ जनाको मृत्यु भएको छ भने एक सय १२ जना हराइरहेका छन्।
आँधीका कारण धेरैजसो मृत्यु सेबु प्रान्तमा भएको छ। यो क्षेत्र सेप्टेम्बर ३० मा गएको ६.९ म्याग्निच्युडको भूकम्पबाट अझै पनि पीडित छ।
