नेपाली राष्ट्रिय महिला फुटबल टोलीकी कप्तान तथा गोलकिपर एन्जिला तुम्बापो सुब्बाले नेपाली फुटबल समर्थकहरूसँग माफी मागेकी छन् ।
बिहीबार एन्जिलाले सामाजिक सञ्जाल फेसबुकमा लामो स्टाटस लेख्दै चारदेशीय अन्तर्राष्ट्रिय फुटबल प्रतियोगिताको फाइनलमा म्यानमारसँग पराजित भएकोमा माफी मागेकी हुन् ।
उनले लेखेकी छिन्, “हामी फाइनलमा पुग्यौँ तर चुक्यौँ । कप्तानको रूपमा म सबै समर्थकसँग माफी माग्न चाहन्छु ।” “मैदानमा उपस्थित १६ हजार दर्शक र सधैँ हामीलाई माया गर्ने करोडौँ समर्थकहरू हामीले तपाईंहरूले अपेक्षा गरेको नतिजा दिन सकेनौँ,” उनले लेखेकी छन्, “कृपया खेलाडीहरूलाई आलोचना नगर्नुस् । हामी सबैले आफ्नो मिहिनेत गरेका छौँ,” उनी लेख्छिन्, “नतिजा जस्तो भए पनि तपाईंहरूको सम्पूर्ण प्रशंसनीय छ । निरन्तर अगाडि बढ्नुहोस् ।”
