नेपालकी सरिना घलेले डब्लूएमएसी इंग्लिस ओपन मार्सल आर्ट्स च्याम्पियनसिपमा स्वर्ण पदक जितेकी छन् । उनले आफ्नो अन्तर्राष्ट्रिय ‘डेब्यु’ प्रतियोगितामै स्वर्ण जितेकी हुन् ।
इंग्ल्यान्डको क्यानोकस्थित चेस लिजर सेन्टरमा भएको प्रतियोगिताको ट्रेडिसनल वेप्पन फम्समा सरिनाले स्वर्ण जितेको नेपाल उमा कुङफु संघका अध्यक्ष संजीतकुमार राईले जनाएका छन् । तेस्रो डान सरिनाले ९।१ अंक जोडिन् । इंग्ल्यान्डकी एमिली जेन दोस्रो भइन् ।
प्रतियोगितामा करिब ८ सय खेलाडीको सहभागिता रहेको जनाइएको छ । अध्यक्ष राईका अनुसार सरिना एक वर्षदेखि यूकेमै अध्ययनरत छन् ।
