नारायणी नदी किनारमा जारी १५औँ चितवन महोत्सवमा घुम्न गएकी एक महिलाको ढुंगामा ठेस लागेर लड्दा घुँडा मुनिको नली हड्डी भाँचिएको छ ।
नवलपुरको कावासोती नगरपालिका–१४ बस्ने ३५ वर्षीय कविता श्रेष्ठ बिहीवार महोत्सव परिसरमा हिड्ने क्रममा ढुंगामा ठेस लागी अचानक लड्दा दाहिने खुट्टाको घुँडा मुनिको नली हड्डी भाँचिएको प्रहरीले बताएको छ ।
उनलाई उपचारको लागि भरतपुर अस्पताल पठाएको र अवस्था मध्यम रहेको प्रहरीले जानकारी दिएको छ । उनको उपचारमा आफन्त संलग्न छन् ।
