भरतपुर महानगरपालिका–१३ बाटुली पोखरी सामुदायिक वनमा घाँस काट्न गएका एक व्यक्तिको रुखबाट खसेर मृत्यु भएको छ ।
तनहुँ भिमाद नगरपालिका–१ घर भई हाल भरतपुर–१३ ब्रमपुरी बस्ने मान प्रसाद सापकोटाको घरमा डेरा गरि बस्ने वर्ष ५० को भगवत लम्साल सोमवार बिहान घाँस काट्न सामुदायिक वन गएका थिए ।
सालको रुखबाट खसेर गम्भीर घाइते भएका लम्सालको भरतपुर अस्पतालमा उपचारको क्रममा सोमवार दिउँसो १२ः४५ बजे मृत्यु भएको जिल्ला प्रहरी कार्यालय चितवनले जानकारी दिएको छ ।
