काठमाडौँ प्लाजामा निःशुल्क पार्किङ उपलब्ध हुने भएको छ ।काठमाडौँ महानगरपालिकाको कार्यालय रहेको काठमाडौँ प्लाजामा निःशुल्क पार्किङ उपलब्ध हुने भएको हो ।
आजदेखि बेलुकी साढे ५ बजेदेखि राति ११ बजेसम्म महानगरको कार्यालय परिसर गाडी पार्किङका लागि उपलब्ध हुने महानगरले जनाएको छ ।
प्रशासन विभागका प्रमुख ध्रुवकुमार काफ्लेले यो सुविधापछि कमलादी, पुतलीसडक, दरबार मार्ग, हात्तीसार, कमलपोखरीलगायत ठाउँको यातायात आवागमन र पार्किङ्मा सहजता हुने बताउनु भयो ।
