पूर्वी चितवनको रत्ननगर नगरपालिका–१ निपनीस्थित गायत्री हरिहर मन्दिरमा सन्ध्याकालिन महाआरती सुरु भएको छ । आध्यात्मिक जागरण एवम् धार्मिक पर्यटन प्रवर्द्वन गर्ने उद्देश्यले महाआरतीको सुरुवात गरिएको हो ।
भूतभावन भगवान् शङ्कर र वनमाली नारायण भगवानको प्रतिनिधित्व गर्दै गायत्री हरिहर मन्दिर प्रतिस्थापन भएको हो ।
हरिहर भगवानलाई नीराजन गर्ने र रत्ननगरवासी श्रद्धालु भक्तजनहरूमा विशेष आस्था जगाउदै धार्मिक पर्यटनलाई शिखरमा पुर्याउने उद्देश्यकासाथ महाआरती सञ्चालन गरिएको आरती व्यवस्थापन उपसमितिले जनाएको छ ।
महाआरती साउन महिनासम्म निरन्तर रूपमा सञ्चालन हुने समितिले जानकारी दिएको छ ।
