गएराति देखि देशभर वर्षा भइरहेको छ । जल तथा मौसम विज्ञान विभागका अनुसार पछिल्लो एक घण्टामा आठ वटा जिल्लामा भारी वर्षा भइरहेको छ ।
बाँके, पाल्पा, दाङ, प्युठान, पर्वत, अर्घाखाँची, स्याङजा र लमजुङमा भारी वर्षा भइरहेको विभागले जानकारी दिएको छ । भारी वर्षाका कारण स्थानीय नदी तथा खोलामा बाढी आएको छ ।
पछिल्लो एक घण्टामा सबैभन्दा बढी बाँकेमा पश्चिम राप्तीमा वर्षा रेकर्ड भएको छ । त्यहाँ एक घण्टामा ४२.८ एमएम वर्षा भएको देखिन्छ ।
लगातारको वर्षाका कारण मर्स्याङदी नदी र हनुमन्ते खोलामा आएको बाढीले चेतावनी तह नाघेको छ । हनुमन्ते खोलाको जगती जलसतह मापन केन्द्र र मर्स्याङदी नदीको बिमलनगर जलसतह मापन केन्द्रमा बाढीले चेतावनी तह नाघेको विभागले जानकारी दिएको छ ।
देशभर वर्षा भइरहेको र नदी तथा खोलाहरुमा बाढी आएकाले स्थानीयहरुलाई सचेत रहन सरकारले आग्रह गरेको छ ।
