चितवनको माडीमा बाढीले बगाएर एक जना बेपत्ता भएका छन् ।
बुधबार बिहानदेखि आएको भारी वर्षाका कारण माडी नगरपालिका ५ छर्छरे घर भएका रणबहादुर कामीलाई मगुइ खोलाले बगाएर बेपत्ता भएका हुन् ।
इलाका प्रहरी कार्यालय माडीका अनुुसार कामी बसन्तपुर बजारबाट आफ्नो घर खैरहनी जाँदै गर्दा माडी वडा नम्बर ४ र ५ को सीमानामा रहेको मगुई खोलाले बगाएको हो ।
बेपत्ता भएका कामीलाई खोज्न इलाका प्रहरी कार्यालय माडीका इन्स्पेक्टरसहितको टोली परिचालन भएको जनाइएको छ । इलाका प्रहरी कार्यालय माडीका असइ कैलाश कार्कीका अनुसार खोलाहरुमा अत्याधिक पानीको बहासहित बाढी आउँदा एउटा गाउँबाट अर्को गाउँ जान सक्ने अवस्था समेत छैन । फाइल तस्बिर
