चीनमा एकजना पूर्व कर्मचारीलाई घुस लिएको आरोपमा मृत्युदण्डको सजाय सुनाइएको छ।
चीनको एक अदालतले १५१ मिलियन डलरको घुस लिएको आरोपमा पूर्व बैङ्कका कर्मचारीलाई मृत्युदण्डको सजाय सुनाएको हो। चीनको सरकारी समाचार संस्था सिन्ह्वाले चीन हुआरोङ्ग इन्टरनेशनल होल्डिङ्ग्सका पूर्व जनरल म्यानेजर बाई तियानहुईलाई तियानजिनको एक अदालतले मङ्गलवार मृत्युदण्डको सजाय सुनाएको बताएको छ।
अदालतले तियानहुईको सबै राजनीतिक अधिकार खोस्दै उनको सबै सम्पत्ति जफत गर्ने फैसला समेत गरेको छ।
२०१२ मा सत्ता सम्हाले पछि चीनका राष्ट्रपति शी जिनपिनले भ्रष्टाचार विरोधी अभियान चलाउँदै आएका छन्। जसमा हालसम्म चीनका विभिन्न पदमा रहेका ठूला साना सबै कर्मचारीलाई कडा सजाय दिइने गरिएको छ। एजेन्सी
