भारतको दिल्लीमा रहेको एक बाल अस्पतालमा आगलागी हुँदा कम्तीमा छ जना नवजात शिशुको मृत्यु भएको छ । आगलागीमा अरू केही घाइते भएका दिल्ली प्रहरीलाई उद्धृत गर्दै बीबीसी हिन्दीले जनाएको हो ।
गए राति साढे ११ बजे भएको आगलागीमा घाइते भएका १२ जनाको उद्धार गरेकामा छ जनाको उपचारका क्रममा मृत्यु भएको थियो । यस्तै अन्य छ जनाको भेन्टिलेटरमा राखेर उपचार भइरहेको प्रहरीले जानकारी दिएको छ । आगलागीको कारण खुलेको छैन । आगलागीका कारण अस्पताल नजिकैको भवनमा पनि क्षति पुगेको खबरमा उल्लेख छ । एजेन्सी
