नेकपा एमाले सांसद सुहाङ नेम्वाङले राजनीति एकदमै फोहोरी खेल हो भन्ने भाष्यलाई परिवर्तन गर्नुपर्ने बताएका छन् ।
शनिबार काठमाडौंमा एमाले कोसी प्रदेश सम्पर्क कमिटीले आयोजना गरेको युवा विचार गोष्ठीमा बोल्दै सांसद नेम्वाङले यस्तो बताएका हुन् ।
राजनीति कहिल्यै फोहोरी नहुने उनले उल्लेख गरे । उनले स्वार्थ बोकेका व्यक्ति राजनीतिमा छिरे व्यक्ति नै फोहोरी हुने बताए । सबै युवा मिलेर देशको विकास र समृद्धिमा ध्यान दिनुपर्नेमा उनले जोड दिए ।
