राष्ट्रिय स्वतन्त्र पार्टी (रास्वपा)का सांसदहरु आन्तरिक छलफलमा जुटेका छन् ।
प्रधानमन्त्री पुष्पकमल दाहाल, एमालेका अध्यक्ष केपी शर्मा ओली र गृहमन्त्रीसमेत रहेका रास्वपा सभापति रवि लामिछानेबीच भएको छलफलपछि उनीहरु आन्तरिक छलफलमा जुटेका हुन् ।
तीन नेताबीच भएको कुराकानीबारे भने अहिलेसम्म केही पनि सार्वजनिक भएको छैन । लामिछानेले आफ्ना सांसदहरुलाई छलफलका बारेमा जानकारी गराउने र आगामी रणनीति तय गर्ने तयारी गरिएको बताइएको छ ।
