राजनीति
संसद्मा एमाले अध्यक्ष ओलीप्रति आक्रामक बने धनराज गुरुङ
०

काठमाडौं,जेठ ३-
प्रतिनिधि सभाको बैठकमा एमाले अध्यक्ष केपी शर्मा ओलीमाथि कांग्रेस सांसद धनराज गुरुङ आक्रामक रूपमा प्रस्तुत भएका छन्। बिहीबार साँझ ६ बजे बसेको प्रतिनिधि सभाको बैठकमा ओली र गुरुङबीच चर्काचर्की परेपछि अन्य सांसदहरुले छेकेका थिए।
प्रतिनिधि सभाको बैठकमा सभामुख देवराज घिमिरेले गृहमन्त्री रवि लामिछानेलाई बोल्न दिएपछि एमाले र कांग्रेस सांसदबिच धकेलाधेकल भएको थियो। सोहि बिचमा उनीहरुबीच आमनेसामने भएका हुन्। एमाले सांसदहरू महेश बर्तौला, ठाकुर गैह्रे लगायतले गुरुङलाई छेकेका थिए।