भरतपुरको कल्याणपुरस्थित स्मल हेभन स्कुलमा भर्ना अभियान सुरु भएको छ । स्कूलले भोलि (सोमबार) बिहान ११ बजे नयाँ शैक्षिक सत्रका लागि प्रवेश परीक्षा लिदैंछ । प्री पाइमरी तह कक्षा १ भन्दा तलका कक्षाहरुमा खाना, दिवा खाजासहित भर्ना लिइने स्कुलका प्रिन्सिपल रामचन्द्र न्यौपानले नारायणी अनलाइनलाई बताए । उनले प्रवेश परीक्षाका लागि फारम वितरण भइरहेको जानकारी दिए ।
त्यसैगरी कक्षा १ देखि ८ सम्म अतिरिक्त बिहानी कक्षा ऐच्छिकरुपमा सञ्चालन गरिने भएको छ । दिवा खाजा र अतिरिक्त कक्षाहरु पनि सञ्चालन गरिने स्कुलले जनाएको छ । स्कुलले कक्षा ९ र १० को लागि डे बोर्डस गरी बिहानदेखि साँझ ४ सम्म अतिरिक्त कक्षा सञ्चालन गरिने प्रिन्सिपल न्यौपानेले बताए । विद्यार्थीहरुलाई विद्यालयमा नै खानाको व्यवस्था गरिएको छ । फुटबल, क्रिकेट, एथलेटिक्सलगायतका विभिन्न खेलकुद अभ्यास र जिल्लास्तरीय प्रतियोगिता नियमित सञ्चालन गरिँदै आएको छ ।
स्कुलले बालबालिकाहरुलाई शिक्षा ऐन अनुसार छात्रवृत्तिको व्यवस्था गरिएको छ । भर्ना अभियानमा जो पहिला पुग्छ उसले नै अवसर पाउने जनाइएको छ । काठमाडौँको लिटल एन्जल्स स्कुलको व्यवस्थापनमा सञ्चालित स्कुलमा हरेक तहमा कोअर्डिनेटर र इन्चार्जहरुको व्यवस्था गरिएको छ ।
स्कुलले हरेक शुक्रबार अतिरिक्त क्रियाकलापहरु सञ्चालन गरेर व्यवहारिक शुक्रबार कार्यक्रम सञ्चालन गरिरहेको प्रिन्सिपल न्यौपानेले बताए । उनले भने, ‘बालबालिकाले विद्यालय आउँदा बोक्न नसक्ने झोलालाई यसपटक हल्का बनाउनेछ । तहगत भौतिक संरचना र शैक्षिक वातावरणको हिसाबले विद्यालय व्यवस्थित रहेको छ । बालबालिकाको मनोविज्ञानलाई बुझेर अध्यापन गराउनको साथै उनीहरुको शैक्षिक, शारीरिक र मानसिक विकासमा विद्यालयले प्रभावकारी भूमिका खेल्नेछ ।’
